सामाजिक कार्य करणाऱ्या व सामाजिक कार्याची आवड असणाऱ्या सर्व बंधु-भगिनींना सौ. रेखा ताई कैलासराव सुर्यवंशी यांचा सप्रेम नमस्कार.आपण या मायभूमीत जन्म घेतल्यानंतर या मायभूमीचे ऋण फेडण्यासाठी आपल्या हातुन लोककल्याणाचे काहीतरी कार्य घडले पाहिजे.हा हेतू मनात ठेवून व क्रांतीज्योती सावित्रीबाई फुले यांच्या कार्याला वंदन करून १९ मे २०१५ रोजी ” कोमल स्वप्न महिला बहुउद्देशीय सेवाभावी संस्था” प्लाॅट न.३२४/१६ सिडको महानगर-१, तिसगाव वाळुंज औरंगाबाद या संस्थेची स्थापना केली.या संस्थेच्या माध्यमातून महिला विकास, बालकल्याण व आरोग्य नियंत्रणाचे कार्य करीत आहोत.हे कार्य करण्यासाठी आर्थिक मदतीची नितांत गरज असते यासाठी शासनाच्या विविध विभागांच्या माध्यमातून जनकल्याण योजना राबविल्या जातात.